Social Icons

Freitag, 9. Juni 2017

✌هەپەگە هەلیکۆپتەرێکی سوپای تورکی خستە خوارەوە



هەپەگە هەلیکۆپتەرێکی سوپای تورکی خستە خوارەوە
2017-06-09 13:02:14
شەوی ڕابردوو لە چەلێی سەربە جولەمێرگ هەلیکۆپتەرێکی سوپای تورک خراوەتە خوارەوە، سوپای تورکیش دان بەوەدا دەنێت کە گەریلاکانی هەپەگە ئەو کارەیان کردووە.

بەگوێرەی سەرچاوە خۆجێییەکان لە شارۆچکەی چەلێی سەربە جولەمێرگ، شەوی ڕابردوو کاتژمێر  ٠٩:٠٠ هەلیکۆپتەرێکی سوپای تورک لە جۆری سکۆرسکی، خراوەتە خوارەوە، کە ١٦ سەربازی تورکی تێدابووە و هەموویان بە برینداری لە ناوچەکە گوازراونەتەوە.
 سوپای تورک لە لێدوانێکدا ڕایگەیاندووە، هەلیکۆپتەرێکی سوپا کاتێک بەنیازبووە بنیشێتەوە بە رۆکێتێکی گەریلاکانی هەپەگە بە ئامانج گیراوە و کەوتووەتە خوارەوە.
سوپای تورک پاش ئەو چالاکییەی گەریلاکان دەستیکرد بە ئەنجامدانی ئۆپەراسیۆن لە ناوچەکەدا.
 تا ئێستا ناوەندی ڕاگەیاندنی هێزەکانی پاراستنی گەل- هەپەگە، سەبارەت بەو چالاکییەی گەریلاکان ڕاگەیاندراوێکی بڵاونەکردووەتەوە، بەڵام پێدەچێت کە تا چەند کاتژمێڕێکی دیکە سەبارەت بەو چالاکییە زانیاری بڵاوبکاتەوە.

Keine Kommentare:

Kommentar veröffentlichen

 
Blogger Templates